മട്ടന്നൂര്‍: കണ്ണൂര്‍ അന്താരാഷ്ട്രാ വിമാനത്താവളത്തിന്റെ ആവശ്യത്തിനായി സര്‍വിസ് നടത്തുന്ന ജീപ്പില്‍ മോഷണം. വിമാനത്താവള കണ്‍സല്‍ട്ടന്‍സി ഏജന്‍സിയായ ഏയ്‌കോമിനു വേണ്ടി സര്‍വിസ് നടത്തുന്ന മരുതായി സ്വദേശിനി സി.വി ശോഭനയുടെ ഉടമസ്ഥതയിലുള്ള ബൊലേറോ ജീപ്പിലാണ് മോഷണം നടത്തിയത്. ജീപ്പിന്റെ പുറകിലത്തെ ഗ്ലാസ് പാനല്‍ ഇളക്കി മാറ്റി ജീപ്പിനുള്ളില്‍ കയറിയ മോഷ്ടാക്കള്‍ ആര്‍.സിയും മറ്റു രേഖകളും മോഷ്ടിക്കുകയായിരുന്നു.  ഡ്രൈവര്‍ ശ്രീനിവാസന്റെ ഇല്ലംഭാഗത്തെ വീട്ടുമുറ്റത്ത്  നിര്‍ത്തിയിട്ടതായിരുന്നു ജീപ്പ്. ഇന്നലെ പുലര്‍ച്ചെയാണ് സംഭവം. പരാതിയെ തുടര്‍ന്ന് മട്ടന്നൂര്‍ പൊലിസ് കേസെടുത്ത് അന്വേഷണം ആരംഭിച്ചു.