ഫറോക്ക്: കരുവന്‍തിരുത്തി ബാഫഖി തങ്ങള്‍ സ്മാരക യതീംഖാനയുടെ 45-ാം വാര്‍ഷിക സമ്മേളനത്തിന് തുടക്കമായി. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി പതാക ഉയര്‍ത്തി.
തുടര്‍ന്നു നടന്ന പ്രവര്‍ത്തക സംഗമത്തില്‍ കേരള വഖ്ഫ് ബോര്‍ഡ് മെംബര്‍ അഡ്വ. പി.വി സൈനുദ്ദീന്‍ ക്ലാസ്സെടുത്തു. കേരള സംസ്ഥാന വഖ്ഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദ് അലി ശിഹാബ് തങ്ങള്‍ സമ്മേളനം ഉദ്്ഘാടനം ചെയ്തു. മുസ്തഫ ഹുദവി ആക്കോട് മുഖ്യ പ്രഭാഷണം നടത്തി. പി.ബി മോയുട്ടിക്കോയ ഹാജി അധ്യക്ഷനായി.
വനിത സംഗമം ഫറോക്ക് മുനിസിപ്പല്‍ ചെയര്‍പേഴ്‌സണ്‍ പി. റുബീന ഉദ്ഘാടനം ചെയ്തു. സജറീന ജൗഹരിയ ക്ലാസ്സ് എടുത്തു. സായാഹ്ന തര്‍ബിയ്യത്ത് പരിപാടിയില്‍ സിംസാറുല്‍ ഹഖ് ഹുദവി മുഖ്യപ്രഭാഷണം നടത്തി. എം.സി മായിന്‍ ഹാജി അധ്യക്ഷനായി. ഉമ്മര്‍ പാണ്ടികശാല, സഫീര്‍ ചാലിയം, ഷറഫുദീന്‍ ബദ്രി. കെ. മുഹമ്മദ്, വി. മുഹമ്മദ് ബഷീര്‍, കെ.എം കോയസ്സന് കുട്ടി ഹാജി, കെ.ടി ബീരാന്‍ കുട്ടി ഹാജി, കെ. മുഹമ്മദ് നഹ, എന്‍.സി മുഹമ്മദ് കോയ ഹാജി, കെ.കെ.സി ഇസ്മായില്‍, പി.വി ഷാഹുല്‍ ഹമീദ്, അബ്ദുല്‍ റഹീം ദാരിമി, എ.വി അബ്ദുല്‍ റഹീം, മുഹമ്മദ് അലി ഫൈസി, മുബശിര്‍ അസ്‌ലമി, അഡ്വ. കെ.എം ഹനീഫ, എ.പി ഹംസക്കോയ, എ.പി അബ്ദുല്‍ സലാം, എം.സി ജലീല്‍, കെ. കോയ മൊയ്തീന്‍ കുട്ടി, എന്‍.വി മുഹമ്മദ് ഹനീഫ സംസാരിച്ചു.
ഇന്ന് രാവിലെ ഒന്‍പത് മുതല്‍ വൈകീട്ട് ആറ് വരെ യതീംഖാന സന്ദര്‍ശനം നടക്കും. രാത്രി ഏഴിന് സമാപന സമ്മേളനം സമസ്ത പ്രസിഡന്റ് സയ്യിദ് മുഹമ്മദ് ജിഫ്രീ മുത്തുക്കോയ തങ്ങള്‍ ഉദ്ഘാടനം ചെയ്യും.
മിര്‍ഷാദ് യമാനി മുഖ്യപ്രഭാഷണം നടത്തും. സയ്യിദ് ഫസല്‍ ശിഹാബ് തങ്ങള്‍ സമാപന പ്രാര്‍ഥന നടത്തും.