പെരിങ്ങത്തൂര്‍: മസ്ജിദുകള്‍ എപ്പോഴും വിശ്വാസികളുടെ ആത്മീയ അഭയ കേന്ദ്രങ്ങളാവണമെന്നു പാണക്കാട് സയ്യിദ് അബ്ബാസലി ശിഹാബ് തങ്ങള്‍.
പുല്ലൂക്കര പാലോറത്ത് പുനര്‍നിര്‍മിച്ച മുഹിയുദീന്‍ മസ്ജിദ് ഉദ്ഘാടനം ചെയ്യുകയായിരുന്നു അദ്ദേഹം. സാമൂഹ്യ ജീര്‍ണതകള്‍ ശക്തമാവുന്ന സമകാലിക സാഹചര്യത്തില്‍ പള്ളികള്‍ കേന്ദ്രീകരിച്ചുള്ള ബോധവല്‍കരണങ്ങള്‍ അനിവാര്യമാണെന്നും സമാധാനത്തിന്റെ കേന്ദ്രങ്ങളായി മസ്ജിദുകള്‍ നിലക്കൊള്ളണമെന്നും തങ്ങള്‍ പറഞ്ഞു.
പാലോറത്ത് കുഞ്ഞിസൂപ്പി ഹാജി അധ്യക്ഷനായി.
സമസ്ത സെക്രട്ടറി പി.പി ഉമര്‍ മുസ്‌ലിയാര്‍, സയ്യിദ് സഫ്‌വാന്‍ തങ്ങള്‍ ഏഴിമല, സയ്യിദ് ഹാമിദ് കോയ തങ്ങള്‍, കുഞ്ഞികോയ തങ്ങള്‍, സയ്യിദ് എസ്.ബി.പി തങ്ങള്‍, പൊട്ടങ്കണ്ടി അബ്ദുല്ല ഹാജി, കുറുവാളി മമ്മു ഹാജി, എ.പി ഇസ്മാഈല്‍, സയ്യിദ് റിയാസ് തങ്ങള്‍, പി.പി അബൂബക്കര്‍ ഹാജി, മൊയ്തു ഹാജി, നെല്ലൂര്‍ ലത്തീഫ് ഹാജി സംസാരിച്ചു. കരീം ഫൈസി കുന്‍തൂര്‍ പ്രഭാഷണം നടത്തി.