വടക്കാഞ്ചേരി: മുളങ്കുന്നത്തുകാവ് ഗവ:മെഡിക്കല്‍ കോളജില്‍ പി.ജി ഡോക്ടര്‍മാര്‍ പണി മുടക്ക് സമരം നടത്തി. സംസ്ഥാന വ്യാപകമായി മെഡിക്കല്‍ കോളജുകളിലെ പി.ജി ഡോക്ടര്‍മാര്‍ അനിശ്ചിതകാല പണിമുടക്ക്  നടത്തുന്നതിന്റെ ഭാഗമായിട്ടായിരുന്നു പ്രതിഷേധ സമരം നടന്നത്. സൂപ്പര്‍ സ്‌പെഷ്യാലിറ്റിക്ക് ശേഷമുള്ള മൂന്ന് വര്‍ഷ ബോണ്ട് പിന്‍വലിക്കണമെന്നാവശ്യപ്പെട്ടായിരുന്നു സമരം നടന്നത്. മൂന്ന് വര്‍ഷ ബോണ്ട് പിന്‍വലിക്കാന്‍ ചര്‍ച്ചയില്‍ സര്‍ക്കാര്‍ സന്നദ്ധത അറിയിച്ചിരുന്നു. എന്നാല്‍ സൂപ്പര്‍ സ്‌പെഷ്യാലിറ്റിക്ക് ശേഷമുള്ള ബോണ്ട് കൂടി പിന്‍വലിക്കണമെന്ന് ഡോക്ടര്‍മാര്‍ നിര്‍ബന്ധം പിടിച്ചതാണ് പണിമുടക്ക് സമരത്തിലെത്തിച്ചത്. പ്രകടനത്തിനും ധര്‍ണക്കും പി.ജി അസോസി യേഷന്‍ യൂണിറ്റ് പ്രസിഡന്റ്് ഡോ: ജ്യൂവല്‍ ജോസഫ്, ഡോ: ആന്റണി അറയ്ക്കല്‍ ശ്രീജിത്ത്,  ശരത് ബാബു നേതൃത്വം നല്‍കി.