കോഴിക്കോട്: അന്തരിച്ച ചലച്ചിത്രനാടക നടനും കേരള സംഗീത നാടക അക്കാദമി അവാര്‍ഡ് ജേതാവുമായിരുന്ന മുരുകേഷ് കാക്കൂരിന്റെ സ്മരണാര്‍ഥം അനുസ്മരണ സമിതി ഏര്‍പ്പെടുത്തിയ പുരസ്‌കാരത്തിന് നാടക സംവിധായകന്‍ മനോജ് നാരായണന്‍ അര്‍ഹനായി. നാടക പ്രവര്‍ത്തനങ്ങള്‍ക്ക് നല്‍കി വരുന്ന മികച്ച സംഭാവനകള്‍ പരിഗണിച്ചാണ് പുരസ്‌കാരം. രമേശ് കാവില്‍, ഗിരീഷ് പി.സി പാലം, കലാമണ്ഡലം സത്യവ്രതന്‍, പ്രദീപ്കുമാര്‍ സായി ജ്യോതി, ഷിബു പാലാഴി എന്നിവരടങ്ങിയ ജൂറിയാണ് അവാര്‍ഡ് ജേതാവിനെ തെരഞ്ഞെടുത്തത്. 10001 രൂപയും പ്രശസ്തി പത്രവുമടങ്ങുന്ന അവാര്‍ഡ് 18 ന് വൈകുന്നേരം അഞ്ചിന് ടൗണ്‍ ഹാളില്‍ നടക്കുന്ന ചടങ്ങില്‍ സമ്മാനിക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. രമേശ് കാവില്‍, ഗിരീഷ് പി.സി പാലം, കലാമണ്ഡലം സത്യവ്രതന്‍, ഷിബു പാലാഴി വാര്‍ത്താസമ്മേളനത്തില്‍ സംബന്ധിച്ചു.