തിരുവനന്തപുരം: കുടുംബശ്രീ നാഷണല്‍ റിസോഴ്‌സ് ഓര്‍ഗനൈസേഷന്റെ ആഭിമുഖ്യത്തില്‍ ഇന്നും നാളെയും പൂവാര്‍ ഐലന്‍ഡ് റിസോര്‍ട്ടില്‍ ദ്വിദിന ശില്‍പശാല സംഘടിപ്പിക്കും. കുടംബശ്രീ മാതൃക നടപ്പാക്കുന്ന പതിനൊന്നു സംസ്ഥാനങ്ങളില്‍ നിന്നുളള പ്രതിനിധികള്‍, കേന്ദ്ര ഗ്രാമവികസന മന്ത്രാലയത്തിലെ ഉദ്യോഗസ്ഥര്‍, മിഷന്‍ ഡയറക്ടര്‍മാര്‍, രാജസ്ഥാന്‍, കര്‍ണാടക, ഒഡീഷ സംസ്ഥാനങ്ങളില്‍ നിന്നുളള ഗ്രാമീണ വനിതകള്‍ എന്നിവര്‍ ശില്‍പശാലയില്‍ പങ്കെടുക്കും. ഇതര സംസ്ഥാനങ്ങളിലെ വികസന മേഖലയില്‍ കുടുംബശ്രീ പ്രവര്‍ത്തനങ്ങള്‍ സൃഷ്ടിച്ച മാറ്റങ്ങള്‍, അതിന്റെ ഫലങ്ങള്‍, വനിതകളുടെ കുടുംബശ്രീ അനുഭവങ്ങള്‍ എന്നിവ ശില്‍പശാലയില്‍ പങ്കുവയ്ക്കും.