തിരൂര്‍: എസ്.കെ.എസ്.എസ്.എഫ് ത്വലബാ വിങ് ജില്ലാ ലീഡേഴ്‌സ് മീറ്റ് ഏപ്രില്‍ ഒന്നിന് ചെമ്പ്ര എ.എം.യു.പി സ്‌കൂളില്‍ നടക്കും. ഏരിയ, മേഖല തലങ്ങളില്‍ നിന്നും തെരഞ്ഞെടുക്കപ്പെട്ട പ്രതിനിധികള്‍ പങ്കെടുക്കും. വാര്‍ഷിക അവലോകനവും പുതിയ കര്‍മ പദ്ധതികളും ലീഡേഴ്‌സ് മീറ്റ് ചര്‍ച്ച ചെയ്യും. ഇതുമായി ബന്ധപ്പെട്ട് ചെമ്പ്ര സുന്നി സെന്ററില്‍ നടന്ന യോഗത്തില്‍ ജില്ലാ ചെയര്‍മാന്‍ ശാകിര്‍ ഫൈസി കാളാട് അധ്യക്ഷനായി.
സയ്യിദ് മശ്ഹൂര്‍ തങ്ങള്‍ കുറുമ്പത്തൂര്‍ പ്രാര്‍ഥന നാടത്തി. ത്വലബ വിങ് സംസ്ഥാന ചെയര്‍മാന്‍ സി.പി ബാസിത് ഹുദവി തിരൂര്‍ ഉദ്ഘടനം ചെയ്തു. സയ്യിദ് ഉമറുല്‍ ഫാറൂഖ് അല്‍ ബുഖാരി, മുഖ്താര്‍ ഫൈസി മണലിപ്പുഴ, മുഈനുദ്ദീന്‍ വളയംകുളം, ഷബീര്‍ കൂരാട്, നിസാം ചെമ്പ്ര, ജുനൈസ് ചെമ്പ്ര സംബന്ധിച്ചു. മുജ്തബ ആനക്കര സ്വാഗതവും റഹീം പകര നന്ദിയും പറഞ്ഞു.