കോഴിക്കോട്: കേരളത്തിന്റെ മന:സാക്ഷിയെ മരവിപ്പിച്ചതും വിവാദവുമായ സംഭവങ്ങളില്‍ മൗനം പാലിച്ചും ഉത്തരേന്ത്യയിലെ സംഭവങ്ങളില്‍ ആകുലപ്പെട്ടും അനുസ്മരിച്ചും പൊലിസ് അസോസിയേഷന്റെ പ്രവര്‍ത്തന റിപ്പോര്‍ട്ട്. കേരളാ പൊലിസ് അസോസിയേഷന്‍ സംസ്ഥാന സമ്മേളനം അട്ടപ്പാടിയില്‍ ആള്‍ക്കൂട്ടം കൊലപ്പെടുത്തിയ ആദിവാസി മധുവിനെയും വരാപ്പുഴയില്‍ പൊലിസ് കസ്റ്റഡിയില്‍ മരിച്ച ശ്രീജിത്തിനെയും പൂര്‍ണമായും മറന്നു. സ്റ്റീഫന്‍ ഹോക്കിങ്‌സ് മുതല്‍ നോവലിസ്റ്റ് കോട്ടയം പുഷ്പനാഥിന് വരെ സമ്മേളനം അനുശോചനം രേഖപ്പെടുത്തിയിട്ടുണ്ട്. കത്‌വയില്‍ പീഡനത്തിനിരയായി പെണ്‍കുട്ടി മരിച്ച സംഭവത്തിലും സമ്മേളനം അനുശോചിച്ചു.