ജിദ്ദ : മനുഷ്യന്റെ ആയുര്‍ദൈര്‍ഘ്യം വര്‍ധിപ്പിക്കുന്നതിനുള്ള മരുന്ന് വികസിപ്പിച്ച് സഊദി ഡോക്ടര്‍. ജപ്പാനില്‍ നടക്കുന്ന ചര്‍മരോഗ വിദഗ്ധരുടെ അന്താരാഷ്ട്ര സമ്മേളനത്തിലാണ് ഡോ. സഅദ് അല്‍സുഖൈര്‍ തന്റെ നേട്ടം അവതരിപ്പിച്ചത്.

ഇദ്ദേഹം വികസിപ്പിച്ച 'മീഥെലിന്‍ ബ്ലൂ' എന്ന മരുന്നിന് മനുഷ്യന്റെ ആയുസ് കൂട്ടാനും വാര്‍ധക്യം വരുന്നത് തടയാനും സാധിക്കുമെന്ന് ഇദ്ദേഹം സാക്ഷ്യപ്പെടുത്തുന്നു.

'മീഥെലിന്‍ ബ്ലൂ' മനുഷ്യശരീരത്തിലെ കൊളാജിന്‍, ഇലാസ്റ്റിന്‍ എന്നീ പ്രോട്ടീനുകളുടെ വളര്‍ച്ച പരിപോഷിപ്പിക്കുകയും വാര്‍ധക്യത്തിന് കാരണമായ മൈറ്റോ കോണ്‍ട്രിയ ഓര്‍ഗനുകളെ ക്ഷീണിപ്പിക്കുകയും ചെയ്യുമെന്ന് ടോക്യോവില്‍ നടന്ന ഒന്‍പതാമത് ചര്‍മരോഗ വിദഗ്ധരുടെ സമ്മേളനത്തില്‍ ഡോ. സഅദ് അല്‍സുഖൈര്‍ തെളിയിച്ചു.

ഇത് സാധ്യമായാല്‍ മനുഷ്യന് ഏതാണ്ട് 150 വര്‍ഷം വരെ വാര്‍ധക്യം ബാധിക്കാതെ ജീവിക്കുന്നതിന് പ്രയാസമുണ്ടാവില്ല.

ഓക്‌സിഡേഷനെ ശക്തമായി പ്രതിരോധിക്കുന്നതിന് മീഥെലിന്‍ ബ്ലൂവിന് ശേഷിയുണ്ടെന്നും അദ്ദേഹം വിശദീകരിച്ചു. ഇത് മലേറിയ മുതല്‍ അല്‍ഷിമേഴ്‌സ് വരെയുള്ള രോഗങ്ങളെ ചെറുക്കും. മാത്രമല്ല ഇതിന് പാര്‍ശ്വഫലങ്ങളും കുറവാണ്. ശുദ്ധവായു ശ്വസിക്കുന്നതിനുള്ള ശേഷി വര്‍ധിപ്പിക്കുന്നതിനും തന്റെ മരുന്നിന് സാധിക്കുമെന്ന് ഡോ. സഅദ് പറഞ്ഞു.

അന്താരാഷ്ട്ര മെഡിക്കല്‍ സമ്മേളനത്തില്‍ സഊദി അറേബ്യയെ പ്രതിനിധീകരിച്ചതിന് ഡോ. സഅദ് അല്‍സുഖൈര്‍ ആയിരുന്നു.