കോട്ടയം: ലീഗല്‍ സര്‍വീസില്‍ എംപാനല്‍ ചെയ്യപ്പെട്ടിട്ടുളള അഭിഭാഷകര്‍ക്കായി ലീഗല്‍ സര്‍വീസ് സൊസൈറ്റിയുടെ ആഭിമുഖ്യത്തില്‍ ദ്വിദിന പരിശീലനം നല്‍കി. ഐഎംഎ ഹാളില്‍ നടന്ന പരിശീലനം ജില്ലാ ജഡ്ജി എസ്. ശാന്തകുമാരി ഉദ്ഘാടനം ചെയ്തു. സംസ്ഥാന ലീഗല്‍ സര്‍വ്വീസ് അതോറിറ്റി മെമ്പര്‍ സെക്രട്ടറി ജഡ്ജി കെ. സത്യന്‍ അധ്യക്ഷത വഹിച്ചു.
ചീഫ് ജുഡീഷ്യല്‍ മജിസ്‌ട്രേറ്റ് പി. ജ്യോതിസ് ബെന്‍, ബാര്‍ അസോസിയേഷന്‍ പ്രസിഡന്റ് ജോസഫ് എബ്രഹാം എന്നിവര്‍ സംസാരിച്ചു. സബ് ജഡ്ജ് എ. ഇജാസ് സ്വാഗതവും സെക്ഷന്‍ ഓഫിസര്‍ റ്റി.എച്ച് ഹാരിസ് മുഹമ്മദ് നന്ദിയും പറഞ്ഞു. ക്രിമനല്‍ നിയമങ്ങള്‍, കൗണ്‍സിലിങ്, സിവില്‍ റെമഡീസ്, ലോയറിങ് സ്‌കില്‍ തുടങ്ങിയ വിഷയങ്ങളെ അധികരിച്ച് നടത്തിയ പരിശീലനത്തില്‍  മാസ്റ്റര്‍ ട്രെയിനര്‍ റിട്ടേയര്‍ഡ് ജില്ലാ ജഡ്ജ് പ്രേമചന്ദ്രന്‍ ക്ലാസെടുത്തു.