വടകര: ജീവിതകാലം മുഴുവന്‍ ഡയാലിസിസിന് വിധേയരാകേണ്ടി വരുന്ന വൃക്കരോഗികളുടെ വേദനകള്‍ക്ക് മുന്നില്‍ സമൂഹ മനസാക്ഷി ഉണരേണ്ടതുണ്ടെന്ന് പത്മശ്രീ മീനാക്ഷിയമ്മ.
വടകര തണല്‍ ഡയാലിസിസ് സെന്റര്‍ വിഭവസമാഹരണത്തിലേക്ക് ആദ്യ ഫണ്ട് നല്‍കി ഉദ്ഘാടനം നിര്‍വഹിച്ചു സംസാരിക്കുകയായിരുന്നു മീനാക്ഷിയമ്മ. ആദ്യ ഫണ്ട്  കോഴിക്കോട് ജില്ലാ കലക്ടറുടെ സാന്നിധ്യത്തില്‍ തണല്‍ ചെയര്‍മാന്‍ ഡോ. ഇദ്‌രീസ് ഏറ്റുവാങ്ങി. തണല്‍ നിധി ചെയര്‍മാന്‍ ഇ.പി അബൂബക്കര്‍, വൈസ് ചെയര്‍മാന്‍ കെ.പി നാരായണന്‍, ട്രഷറര്‍ രജീഷ് അക്കരോല്‍, കണ്‍വീനര്‍മാരായ ടി.ഐ നാസര്‍, അടിയേരി രവി സംസാരിച്ചു. ഏപ്രില്‍ 8, 9 തിയതികളിലാണ് വിഭവസമാഹരണം നടക്കുന്നത്.