വരന്തരപ്പിള്ളി: യുവാവിനെ പ്രകൃതിവിരുദ്ധ പീഡനത്തിന് ഇരയാക്കാന്‍ ശ്രമിച്ച പൊലിസുകാരനെ സസ്‌പെന്‍ഡ് ചെയ്തു. വരന്തരപ്പിള്ളി സ്റ്റേഷനിലെ കെ.വി ജസ്റ്റിനെയാണ് സസ്‌പെന്‍ഡ് ചെയ്തത്.
ഞായറാഴ്ച രാത്രി എട്ടര മണിയോടെ വരന്തരപ്പിള്ളി മൈതാനത്തിനു സമീപത്തു ബൈക്കുമായി നിന്നിരുന്ന യുവാവിനോട് തന്നെ കുണ്ടായിയില്‍ അത്യാവശ്യമായി എത്തിക്കണമെന്ന് ജസ്റ്റിന്‍ ആവശ്യപ്പെടുകയായിരുന്നു.
അതനുസരിച്ചു പൊലിസുകാരനെ ബൈക്കില്‍ കയറ്റി യാത്രയായ യുവാവിനോട് ഇടക്കുവച്ചു ജസ്റ്റിന്‍ മോശമായി പെരുമാറാന്‍ തുടങ്ങി. വണ്ടി നിര്‍ത്തി പൊലിസുകാരനെ ഇറക്കിവിട്ട യുവാവ് തന്റെ സുഹൃത്തുക്കളെ വിളിച്ചുവരുത്തുകയായിരുന്നു. വിവരം അറിഞ്ഞ പുതുക്കാട് സി.ഐ സംഭവം അന്വേഷിച്ചു എസ്.പിക്കു റിപ്പോര്‍ട്ട് നല്‍കി. ഇതേ തുടര്‍ന്നായിരുന്നു സസ്‌പെന്‍ഷന്‍.