പേരിയ: മദീനപാഷന്റെ ഭാഗമായി തലപ്പുഴ മേഖല എസ്.കെ.എസ്.എസ്.എഫ് നിര്‍മിച്ചു നല്‍കുന്ന വീടിന്റെ കുറ്റിയടിക്കല്‍ കര്‍മം തലപ്പുഴ റെയ്ഞ്ച് പ്രസിഡന്റ് കെ.വി.എസ് ഇമ്പിച്ചിക്കോയ തങ്ങള്‍ നിര്‍വഹിച്ചു. തുടര്‍ന്ന് നടന്ന കണ്‍വന്‍ഷന്‍ കെ.വി.എസ് തങ്ങള്‍ ഉദ്ഘാടനം ചെയ്തു. മഹല്ല് ഖത്വീബ് റഫീഖ് ബാഖവി അധ്യക്ഷനായി. സമസ്ത ജില്ലാ ട്രഷറര്‍ ഇബ്‌റാഹിം ഫൈസി വാളാട്, അസീസ് ഫൈസി മുള്ളല്‍, എസ്.കെ.എസ്.എസ്.എഫ് ജില്ലാ കൗണ്‍സിലര്‍ സിദ്ധീഖ് സംസാരിച്ചു. റെയ്ഞ്ച് സെക്രട്ടറി കെ.സി അബ്ദുല്ല മൗലവി വിഷയമവതരിപ്പിച്ചു. സലാം ഫൈസി സ്വാഗതവും റഷീദ് ദാരിമി നന്ദിയും പറഞ്ഞു.