തളിപ്പറമ്പ്: കേയി സാഹിബ് ട്രൈനിങ് കോളജിന്റെ ആഭിമുഖ്യത്തില്‍ സംഘടിപ്പിച്ച രണ്ടാമത് സര്‍വകലാശാലതല ഇന്റര്‍ ബി.എഡ് കോളജ് അത്‌ലറ്റിക് മീറ്റില്‍ 52പോയിന്റ് നേടി മാനന്തവാടി കോളജ് ചാംപ്യന്മാരായി.
52 പോയിന്റുമായി ബി.എഡ് സെന്റര്‍ കാസര്‍കോട് രണ്ടാം സ്ഥാനവും, 48പോയിന്റുമായി കേയിസാഹിബ് ട്രൈനിങ് കോളജ് മൂന്നാം സ്ഥാനവും നേടി. പുരുഷ വിഭാഗത്തില്‍ 36പോയിന്റുമായി മാനന്തവാടി ട്രൈനിങ് കോളജ് ഒന്നാം സ്ഥാനത്തും, 25 പോയിന്റുമായി കാസര്‍കോട് രണ്ടാം സ്ഥാനത്തും, 18 പോയിന്റുമായി സൈനബ് മെമ്മോറിയല്‍ കോളജ് മൂന്നാം സ്ഥാനവും കരസ്ഥമാക്കി.
വനിതാ വിഭാഗത്തില്‍ 47പോയിന്റ് നേടി കേയി സാഹിബ് ട്രൈനിങ് കോളജ് ഒന്നാം സ്ഥാനവും, 27പോയിന്റുമായി കാസര്‍കോട് കോളജ് രണ്ടാം സ്ഥാനവും 16 പോയിന്റുമായി മാനന്തവാടി കോളജ് മൂന്നാം സ്ഥാനവും കരസ്ഥമാക്കി. വ്യക്തിഗത വിഭാഗത്തില്‍ ആണ്‍ കുട്ടികളില്‍ നെല്‍സണ്‍ ഡിസൂസ കാസര്‍കോട് ബി.എഡ് സെന്റര്‍, പെണ്‍കുട്ടികളുടെ വിഭാഗത്തില്‍ അമ്പിളി.കെ.എസ്, അഞ്ചു വര്‍ഗീസ് കേയി സാഹിബ് ട്രൈനിങ് കോളജ് എന്നിവര്‍ വ്യക്തിഗത ചാംപ്യന്മാരായി.
മീറ്റ് കണ്ണൂര്‍ സര്‍വകലാശാല കായിക വിഭാഗം മേധാവി ഡോ.പി.ടി ജോസഫ് ഉദ്ഘാടനം ചെയ്തു. സമാപന ചടങ്ങ് കോളജ് പ്രിന്‍സിപ്പല്‍ ഡോ.കെ അബ്ദുല്‍ റഹ്മാന്റെ അധ്യക്ഷതയില്‍ കണ്ണൂര്‍ സര്‍വകലാശാല സിന്‍ഡിക്കേറ്റ് അംഗം വിത്സണ്‍.വി.എ വിശിഷ്ടാതിഥിയായി.കോളജ് മാനേജര്‍ പി.സി.പി മഹമൂദ് ഹാജി ട്രോഫികള്‍ വിതരണം ചെയ്തു.