കൊച്ചി: പെരിയാറില്‍ രാസ മാലിന്യങ്ങള്‍ തള്ളുന്ന റെഡ് കാറ്റഗറി വ്യവസായങ്ങള്‍ അടച്ചുപൂട്ടണമെന്നു കോറല്‍ ഭാരവാഹികള്‍ വാര്‍ത്താസമ്മേളനത്തില്‍ ആവശ്യപ്പെട്ടു. റെഡ് കാറ്റഗറി വ്യവസായങ്ങള്‍ അടച്ചുപൂട്ടുക, ശുദ്ധമായ കുടിവെള്ളം നല്‍കാന്‍ ബദല്‍ സംവിധാനം ഒരുക്കുക തുടങ്ങിയ ആവശ്യങ്ങളുന്നയിച്ച് ലോക ജലദിനമായ നാളെ മുതല്‍ ഈ മാസം 25വരെ ഹൈക്കോടതി ജങ്്ഷന്‍ ഓപ്പണ്‍ സ്റ്റേഡിയത്തില്‍ ഉപവാസ സത്യഗ്രഹം നടത്തും. 26ന് ഉച്ചക്ക് രണ്ടിന് മറൈന്‍ ഡ്രൈവില്‍ പൊതുസമ്മേളനവും റാലിയും നടക്കും.
ഫാ. അഗസ്റ്റിന്‍ വട്ടോളി, വിവിധ സംഘടനകളെ പ്രതിനിധീകരിച്ച് ഹംസ നെട്ടുകുടി, അബ്ദുല്‍റഷീദ്, എം ഗീതാനന്ദന്‍, ഡോ. മാര്‍ട്ടിന്‍ ഗോപുരത്തിങ്കല്‍, ജോര്‍ജ് കാട്ടുനിലത്ത്, സി.എസ്. മുരളി എന്നിവര്‍ സമരത്തിന് നേതൃത്വം നല്‍കും.