ചെങ്ങന്നൂര്‍ :കേരള കോണ്‍ഗ്രസ് (എം)ചെങ്ങന്നൂരില്‍ യു.ഡിഎഫിന് പിന്തുണ നല്‍കുന്നതിനെ സ്വാഗതം ചെയ്യുന്നതായും
ഇവരുടെ പിന്തുണ യുഡിഎഫ് സ്ഥാനാര്‍ത്ഥി അഡ്വ.വിജയ കുമാറിന്റെ വിജയത്തിന് കൂടുതല്‍ ശക്തി പകരുമെന്ന് മുന്‍ മുഖ്യമന്ത്രി ഉമ്മന്‍ചാണ്ടി പറഞ്ഞു.കേരള കോണ്‍ഗ്രസ്് യു.ഡി.എഫിന്റെ അഭിവാജ്യ ഘടകമാണ്.
ഒരു പ്രത്യേക സാഹചര്യത്തില്‍ അവര്‍ മുന്നണി വിട്ടു.ഇപ്പോള്‍ അവര്‍ എടുത്തിരിക്കുന്ന തീരുമാനം ജനങ്ങള്‍ ആഗ്രഹിച്ചിരുന്നതാണ്. ചെങ്ങന്നൂരില്‍ ഏറ്റവും സഹായകരവുമാണിത്. യു.ഡി.എഫിലേക്കു വരാന്‍ അവര്‍ തീരുമാനിച്ചിട്ടില്ല.
എന്നാല്‍ വരണമെന്നാണ് യു.ഡി.എഫ് ആഗ്രഹിക്കുന്നത്. കേരള കോണ്‍ഗ്രസിന് സഹകരിക്കാന്‍ പറ്റിയ സ്ഥലം യു.ഡി.എഫ് ആണെന്നും ഉമ്മന്‍ ചാണ്ടി പറഞ്ഞു.
യു.ഡി.എഫ് സെന്‍ട്രല്‍ ഇലക്ഷന്‍ കമ്മിറ്റി ഓഫീസില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.