മാറഞ്ചേരി: കഴിഞ്ഞ ഏഴു വര്‍ഷമായി കടല്‍ഭിത്തി പുനര്‍നിര്‍മാണം നടക്കാത്ത പെരുമ്പപടപ്പ് പഞ്ചായത്തിലെ അജ്മീര്‍ നഗറില്‍ 500 മീറ്റര്‍ നിര്‍മാണത്തിന് സ്പീക്കര്‍ പി. ശ്രീരാമകൃഷ്ണന്റെ പരിശ്രമത്തിലൂടെ രണ്ടണ്ടുകോടി രൂപ അനുവദിച്ചു. കടല്‍ ഭിത്തി പുനര്‍ നിര്‍മിക്കാത്തത് മൂലം കഴിഞ്ഞ വര്‍ഷം മാത്രം മൂന്ന് വീടുകളും അജ്മീര്‍ നഗറിലേക്കുള്ള റോഡുമാണ് കടലെടുത്തത്.
കലിതുള്ളിയെത്തുന്ന കാലവര്‍ഷം ഒരു ദുസ്വപ്നം പോലെ പെരുമ്പടപ്പ് പഞ്ചായത്തിലെ അജ്മീര്‍ നഗറിലെ തീരദേശ വാസികളെ പിന്തുടരാന്‍ തുടങ്ങിയിട്ട് കാലമേറെ ആയി. കഴിഞ്ഞ വര്‍ഷം കടലാക്രമണത്തില്‍ അജ്മീര്‍ നഗറിലെ പ്രധാന റോഡ് തകര്‍ന്നതോടെ ഇരുനൂറിലധികം കുടുംബങ്ങളാണ് ദുരിതം അനുഭവിക്കുന്നത്. കാലവര്‍ഷം തുടങ്ങുന്നതിനു മുന്‍പ് നിര്‍മാണം പൂര്‍ത്തീകരിക്കണമെങ്കില്‍ ചുരുങ്ങിയ സമയംകൊണ്ടണ്ട് നിര്‍മാണത്തിന് മുന്‍പുള്ള നടപടികള്‍ പൂര്‍ത്തീകരിക്കേണ്ടതുണ്ടണ്ട്. എത്രയും പെട്ടെന്ന് കടല്‍ഭിത്തി നിര്‍മാണം ആരംഭിക്കും എന്ന പ്രതീക്ഷയിലാണ് തീരദേശവാസികള്‍.