കാക്കനാട്: തൃക്കാക്കര ഈസ്റ്റ് മണ്ഡലം കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ യുവാക്കള്‍ക്കായി സംഘടിപ്പിച്ച ചങ്ങാതികൂട്ടം ഡോ. എം.ലീലാവതി ഉദ്ഘാടനം ചെയ്തു. മണ്ഡലം പ്രസിഡന്റ് എം.ഒ വര്‍ഗീസ് അധ്യക്ഷത വഹിച്ചു. അഞ്ചാം ക്ലാസുമുതല്‍ പത്താം ക്ലാസ് വരെ പഠിക്കുന്ന കുട്ടികളെ ഉള്‍പ്പെടുത്തിയാണ് ചങ്ങാതികൂട്ടം സംഘടിപ്പിച്ചത്. ഐ.എ.എസ് റാങ്കുകാരി ശിവ സുരേന്ദ്രന്‍ കുട്ടികളുമായി സംവാദം നടത്തി.
കേരള സംഗീത നാടക അക്കാദമി അവാര്‍ഡ് നേടിയ രമേശ്കാവില്‍ മഹാത്മ ഗാന്ധിയും ചാച്ചാ നെഹ്‌റുവും പാട്ടും പറക്കലും എന്നീ വിഷയങ്ങള്‍ സംബന്ധിച്ച് ക്ലാസെടുത്തു. എസ്.എസ്.എല്‍.സി, പ്ലസ് ടു പരീക്ഷകളില്‍ എല്ലാ വിഷയങ്ങള്‍ക്കും എപ്ലസ് ലഭിച്ച കുട്ടികളെ ചടങ്ങില്‍ ആദരിച്ചു.
കോണ്‍ഗ്രസ് രാഷ്ട്രീയകാര്യ സമിതി അംഗം ബെന്നി ബഹനാന്‍, നഗരസഭ ചെയര്‍പേഴ്‌സണ്‍ എം.ടി ഓമന, പി.ഐ മുഹമ്മദാലി, സേവ്യര്‍ തായങ്കേരി, റാഷിദ് ഉള്ളം പിള്ളി, രഞ്ജിനി ഉണ്ണി, പി.എസ് സുജിത്ത്, കെ.ബി അലി എന്നിവര്‍ പ്രസംഗിച്ചു.