പേരൂര്‍ക്കട: ജയിലില്‍ നിന്നിറങ്ങിയയാള്‍   മോഷണം നടത്തിയതിന് പൊലിസ് പിടിയിലായി. പേരൂര്‍ക്കട മുട്ടടയ്ക്കു സമീപം വയലിക്കടയില്‍ താമസിക്കുന്ന ശരവണന്‍ എന്നറിയപ്പെടുന്ന ശരത്ത് (31) ആണ് അറസ്റ്റിലായത്. അമ്പലമുക്കിലെ ഒരു വീട്ടില്‍നിന്ന് പണമടങ്ങിയ പഴ്‌സ് മോഷ്ടിച്ച ഇയാളെ നാട്ടുകാരുടെ സഹായത്തോടെ പൊലിസ് കസ്റ്റഡിയിലെടുക്കുകയായിരുന്നു.
 വിവിധ പൊലിസ് സ്റ്റേഷനുകളിലായി ഇയാള്‍ക്കെതിരേ ആറു കേസുകള്‍ നിലവിലുണ്ട്. പ്രതിയെ കോടതിയില്‍ ഹാജരാക്കി റിമാന്റ് ചെയ്തു.