ഇരവിപുരം: മാര്‍ക്കറ്റില്‍ നിന്ന് മര്‍ദനമേറ്റ മത്സ്യവ്യാപാരി മരിച്ചു. സംഭവവുമായി ബന്ധപ്പെട്ട് ഒരാളെ ഇരവിപുരം പൊലിസ് അറസ്റ്റ് ചെയ്തു. അയത്തില്‍ സുരഭിനഗര്‍ 228 കിച്ചു ഭവനില്‍ മോഹനാ(53)ണ് മരിച്ചത്. ഞായറാഴ്ച രാത്രി എട്ടരയോടെ പുളിയത്തു മുക്കിലായിരുന്നു സംഭവം.
പുളിയത്തുമുക്ക് മാര്‍ക്കറ്റിലെ മല്‍സ്യ വ്യാപാരിയായ ഇയാളെ മാര്‍ക്കറ്റില്‍ പുതുതായി കച്ചവടത്തിനെത്തിയ ഒരാള്‍ മാര്‍ക്കറ്റിനുള്ളില്‍ മര്‍ദ്ദിക്കുകയായിരുന്നു. അവശനിലയില്‍ കാണപ്പെട്ട മോഹനനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പ്രതിയായ മുന്നണിക്കുളത്തിന് സമീപം താമസിക്കുന്ന അജികുമാര്‍(42)നെ  ഇരവിപുരം പൊലിസ് അറസ്റ്റ് ചെയ്തിട്ടുണ്ട്. ഭാര്യ: ഗീതാകുമാരി.  മക്കള്‍: കിച്ചു, ഗീതു.