കൊല്ലം: പിഷാരികാവ് ക്ഷേത്ര മഹോത്സവത്തോടനുബന്ധിച്ച് കൊല്ലം ടൗണിലും ക്ഷേത്രപരിസരത്തും നഗരസഭാ ആരോഗ്യവിഭാഗം, കൊയിലാണ്ടി എക്‌സൈസ്, പൊലിസ് എന്നിവയുടെ  നേതൃത്വത്തില്‍ പരിശോധന നടത്തി. നിരോധിച്ച പുകയില ഉല്‍പന്നങ്ങള്‍ പിടിച്ചെടുത്തു. കൂള്‍ബാര്‍, ഹോട്ടല്‍ എന്നിവിടങ്ങളിലും പരിശോധിച്ചു.  തൊഴിലാളികള്‍ കാര്‍ഡ് എടുക്കണമെന്നും കുടിവെള്ളം പരിശോധിച്ച് റിപ്പോര്‍ട്ട് നല്‍കണമെന്നും നിര്‍ദേശം നല്‍കി.
മതിയായ രേഖകള്‍ സൂക്ഷിക്കാത്ത  സ്ഥാപനങ്ങള്‍ പ്രവര്‍ത്തിക്കാന്‍ അനുവദിക്കില്ലെന്നും പരിശോധനകള്‍ തുടരുമെന്നും  അറിയിച്ചു. കൊയിലാണ്ടി പൊലിസ് എസ്.ഐ ബാബുരാജ്, എക്‌സൈസ്  ഇന്‍സ്‌പെക്ടര്‍ സജികുമാര്‍, നഗരസഭാ ഹെല്‍ത്ത് ഇന്‍സ്‌പെക്ടര്‍ എ. കൃഷ്ണന്‍,  ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ സുബൈര്‍, കെ.എം പ്രസാദ്, ടി.കെ  അശോകന്‍ നേതൃത്വം നല്‍കി.