തൃശൂര്‍: അനാഥ അഗതികളായ കുട്ടികള്‍ക്ക് പെരുന്നാള്‍ വസ്ത്രം വിതരണം ചെയ്യുന്ന പദ്ധതി 'സ്‌നേഹ തണല്‍' തൃശൂര്‍ എം.ഐ.സിയില്‍ കേരള വഖ്ഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്തു. ജില്ലയിലെ മുന്നൂറോളം അനാഥകള്‍ക്ക് വസ്ത്രം വിതരണം ചെയ്യുന്നതിനുള്ള ഫണ്ട് അദ്ദേഹം മേഖലാ കമ്മിറ്റികള്‍ക്ക് കൈമാറി. ഈ ഫണ്ടുപയോഗിച്ച് ഇന്ന് ഉച്ചക്ക് മൂന്നു മണിക്ക് ജില്ലയിലെ മുഴുവന്‍ മേഖലയിലും മേഖലാ ഭാരവാഹികളുടെയും യൂനിറ്റ് ഭാരവാഹികളുടെയും നേതൃത്വത്തില്‍ അര്‍ഹരായവര്‍ അവര്‍ക്കിഷ്ടപ്പെട്ട വസ്ത്രം തെരഞ്ഞെടുക്കും. സമസ്ത കേന്ദ്ര മുശാവറ അംഗവും സ്‌നേഹ തണല്‍ രക്ഷാധികാരിയുമായ ശൈഖുനാ ചെറുവാളൂര്‍ മുസ്‌ലിയാര്‍ അധ്യക്ഷനായി. എസ്.കെ.എസ്.എസ്.എഫ് ജില്ലാ പ്രസിഡന്റ് സിദ്ധീഖ് ബദ്‌രി ആമുഖ പ്രഭാഷണം നടത്തി. സ്‌നേഹ തണല്‍ ചെയര്‍മാന്‍ ഓണമ്പിള്ളി മുഹമ്മദ് ഫൈസി മുഖ്യപ്രഭാഷണം നടത്തി. ദുബൈ എസ്.കെ.എസ്.എസ്.എഫ് മുഅല്ലിംകള്‍ക്ക് ആദരവായി നല്‍കുന്ന തുക എസ്.കെ.എസ് എസ്.എഫ് യു.എ.ഇ നാഷണല്‍ കമ്മിറ്റി സെക്രട്ടറി ഹുസൈന്‍ ദാരിമി അകലാട് കൈമാറി.
വി.കെ ഹംസ ലേക്‌ഷോര്‍, അബുഹാജി ആറ്റൂര്‍, ത്രീ സ്റ്റാര്‍ കുഞ്ഞുമുഹമ്മദ് ഹാജി, സി.എ റഷീദ്, നാസര്‍ ഫൈസി തിരുവത്ര, സി.എ ഷംസുദ്ധീന്‍, അബൂബക്കര്‍ സിദ്ധീഖ് ഖത്തര്‍, അഡ്വ: ഹാഫിള് അബൂബക്കര്‍, ഷാഹിദ് കോയ തങ്ങള്‍, സത്താര്‍ ദാരിമി, കബീര്‍ ഫൈസി പുത്തന്‍ചിറ, സിദ്ധീഖ് ഫൈസി മങ്കര, സൈനുദ്ധീന്‍ ഹാജി കൂര്‍ക്കഞ്ചേരി, ഹാരിസ് തൈക്കാട്, ജാബിര്‍ യമാനി, ഷാഹുല്‍ പഴുന്നാന, ഷറഫുദ്ധീന്‍ കൂട്ടുപാത, സിറാജുദ്ധീന്‍ തെന്നല്‍ സംസാരിച്ചു. എസ്.കെ.എസ്.എസ്.എഫ് ദമാം കമ്മിറ്റി നല്‍കുന്ന പെന്‍ഷന്‍ തുകയും പരിപാടിയില്‍ വിതരണം ചെയ്തു. ജില്ലാ ജനറല്‍ സെക്രട്ടറി ഷെഹീര്‍ ദേശമംഗലം സ്വാഗതവും ട്രഷറര്‍ മെഹ്‌റൂഫ് വാഫി നന്ദി പറഞ്ഞു.