തിരുവനന്തപുരം: വെള്ളിയാഴ്ച നടക്കുന്ന സംയുക്ത മോട്ടോര്‍ വാഹന പണിമുടക്കില്‍നിന്ന് മലപ്പുറം ജില്ലയെ ഒഴിവാക്കി. മലപ്പുറം മണ്ഡലത്തില്‍ നടക്കുന്ന ലോക്‌സഭാ ഉപതെരഞ്ഞെടുപ്പിന്റെ പ്രചാരണം കണക്കിലെടുത്താണ് പണിമുടക്കില്‍ നിന്ന്ു മലപ്പുറത്തെ ഒഴിവാക്കിയത്.

ഇന്ന് രാത്രി 12 മുതല്‍ നാളെ രാത്രി 12 വരെ 24 മണിക്കൂറാണ് വാഹന പണിമുടക്ക് പ്രഖ്യാപിച്ചിരിക്കുന്നത്. വാഹനങ്ങളുടെ തേര്‍ഡ് പാര്‍ട്ടി ഇന്‍ഷൂറന്‍സ് പ്രീമിയം കുത്തനെ ഉയര്‍ത്തിയ കേന്ദ്ര സര്‍ക്കാര്‍ നടപടിയില്‍ പ്രതിഷേധിച്ചാണ് പണിമുടക്ക്. ബി.എം.എസ് ഒഴികെയുള്ള മുഴുവന്‍ തൊഴിലാളി സംഘടനകളും പണിമുടക്കില്‍ പങ്കെടുക്കുന്നുണ്ട്.