ആറ്റിങ്ങല്‍: റോഡരികിലൂടെ നടന്നുപോയ വീട്ടമ്മ വാഹനമിടിച്ച് മരിച്ചു. ആറ്റിങ്ങല്‍ ഇടയ്‌ക്കോട് 18 ാം മൈല്‍ ശ്രേയസില്‍ ശ്രീകണ്ഠന്‍നായരുടെ ഭാര്യ അനുജ (32) ആണ് മരിച്ചത്. ബുധനാഴ്ച രാത്രി ഏഴു മണിയോടെ 18ാംമൈലിലായിരുന്നു അപകടം. ഇടിച്ചിട്ട വാഹനം നിര്‍ത്താതെ പോയി.ആറ്റിങ്ങല്‍ കഴക്കൂട്ടം റൂട്ടില്‍ സമാന്തര സര്‍വീസ് നടത്തുന്ന ടെമ്പോവാനാണ് അപകടമുണ്ടാക്കിയതെന്ന് നാട്ടുകാര്‍ പറയുന്നു. വാന്‍ തിരുവനന്തപുരംഭാഗത്തേക്ക് വേഗത്തില്‍ ഓടിച്ചുപോയതായാണ് പൊലിസിന് ലഭിച്ച വിവരം. ഗുരുതരമായി പരുക്കേറ്റ അനുജയെ ഉടന്‍ തിരുവനന്തപുരം മെഡിക്കല്‍കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. കിഴുവിലം പഞ്ചായത്തിലെ എ.ഡി.എസ് മുന്‍ അധ്യക്ഷയാണ് .ഇടയ്‌ക്കോട് പൂവത്തറ തെക്കത് ദേവീക്ഷേത്രത്തിലെ വനിതാകമ്മിറ്റിയുടെ അധ്യക്ഷയായും പ്രവര്‍ത്തിച്ചിട്ടുണ്ട്. മക്കള്‍: ശ്രീഹരി, ശ്രീനന്ദ് .