കഴക്കൂട്ടം: ചേങ്കോട്ടുകോണം ആനന്ദേശ്വരത്തെ വയലാര്‍ രാമവര്‍മ ചാരിറ്റബിള്‍ സൊസൈറ്റിയുടെ കീഴില്‍ കുട്ടികളുടെ കലാവാസനകള്‍ പ്രോത്സാഹിപ്പിക്കുന്നതിനായി രൂപീകരിച്ച വയലാര്‍ സര്‍ഗവേദി കാര്യവട്ടം ശ്രീകണ്ഠന്‍നായര്‍ ഉദ്ഘാടനം ചെയ്തു. മഹാദേവപുരം ഭദ്രകുമാര്‍ അധ്യക്ഷനായി. നഗരസഭാ കൗണ്‍സിലര്‍ എ. പ്രദീപ്കുമാര്‍, അണിയൂര്‍ പ്രസന്നകുമാര്‍, മുന്‍ ശ്രീകാര്യം പഞ്ചായത്ത് പ്രസിഡന്റ് എ.പി.മുരളി, മുന്‍ കഴക്കൂട്ടം പഞ്ചായത്ത് വൈസ് പ്രസിഡന്റ് ബി.എസ്.ഇന്ദ്രന്‍, നര്‍ത്തകി മിനി മനോജ്, ആര്‍ട്ടിസ്റ്റ് രഘു എന്നിവര്‍ പ്രസംഗിച്ചു. സമിതിയുടെ സെക്രട്ടറി എ.അശോകന്‍ സ്വാഗതവും ആര്‍.ജി ഷൈജു നന്ദിയും പറഞ്ഞു.