മലപ്പുറം: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന് കീഴില്‍ പ്രവര്‍ത്തിക്കുന്ന അസോസിയേഷന്‍ ഓഫ് സമസ്ത മൈനോറിറ്റി ഇന്‍സ്റ്റിറ്റിയൂഷന്‍സി (അസ്മി) ന്റെ പരിഷ്‌കരിച്ച കെ.ജി. പാഠപുസ്തകങ്ങളുടെ പ്രകാശനം പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിച്ചു.
പാണക്കാട്ട് നടന്ന ചടങ്ങില്‍ സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ ആദ്യ പ്രതികള്‍ ഏറ്റുവാങ്ങി.
പാണക്കാട് സയ്യിദ് അബ്ബാസലി ശിഹാബ് തങ്ങള്‍, കെ.എം. അബ്ദുല്ല മാസ്റ്റര്‍ കൊട്ടപ്പുറം, കെ.കെ.എസ് തങ്ങള്‍ വെട്ടിച്ചിറ, കെ. മോയിന്‍കുട്ടി മാസ്റ്റര്‍, ഹാജി പി.കെ മുഹമ്മദ്, റഹീം ചുഴലി, കാടാമ്പുഴ മൂസ ഹാജി, പി.കെ ഷാഹുല്‍ഹമീദ് മാസ്റ്റര്‍, ഒ.കെ.എം കുട്ടി ഉമരി, അഡ്വ. പി.പി ആരിഫ്, മജീദ് പറവണ്ണ, പ്രൊഫ. ഖമറുദ്ദീന്‍ പരപ്പില്‍, ഷിയാസ് ഹുദവി സംബന്ധിച്ചു.