മുംബൈ: ഇന്ത്യന്‍ അണ്ടര്‍ 17 ലോകകപ്പ് താരം അന്‍വര്‍ അലി മുംബൈ സിറ്റി എഫ്. സിയില്‍. ലോകകപ്പ് മത്സരങ്ങളില്‍ ഇന്ത്യയുടെ നെടുംതൂണായിരുന്നു അന്‍വര്‍ അലി. പ്രതിരോധ താരമായ അന്‍വര്‍ മികച്ച പ്രകടനമായിരുന്നു ലോകകപ്പ് മത്സരങ്ങളില്‍ പുറത്തെടുത്തത്. ലോകകപ്പിന് ശേഷം ഇന്ത്യന്‍ ആരോസിന് വേണ്ടിയും അന്‍വര്‍ അലി കളിച്ചിട്ടുണ്ട്. മിനര്‍വ പഞ്ചാബ് അക്കാദമിയിലൂടെ ഫുട്‌ബോളിലെത്തിയ താരത്തെ റെക്കോര്‍ഡ് തുകക്കാണ് മുംബൈ സിറ്റി എഫ്. സി സ്വന്തമാക്കിയത്. സിറ്റിയുമായി കരാറുണ്ടാക്കിയിട്ടുണ്ടെങ്കിലും എ.ഐ.എഫ്. എഫുമായുള്ള കരാര്‍ അവസാനിച്ചിട്ടില്ല. ഇതിനാല്‍ ഒരു സീസണില്‍ കൂടി ഇന്ത്യന്‍ ആരോസിനായി താരം ബൂട്ടണിയും. അതിന് ശേഷമായിരിക്കും മുംബൈ സിറ്റി എഫ്. സിയിലേക്ക് താരം ചുവടു മാറുക.