കോഴിക്കോട്: സംസ്ഥാന പൊലിസിന്റെ വക വീണ്ടും വാഹന പൂജ. കോഴിക്കോട് സിറ്റി പൊലിസിന് അനുവദിച്ച പുതിയ വാഹനമാണ് ക്ഷേത്രത്തില്‍ കൊണ്ടുപോയി പൂജിച്ച് പുറത്തിറക്കിയത്.

കോഴിക്കോട് സിറ്റി പൊലിസ് കണ്‍ട്രോള്‍ റൂമിനാണ് ഔദ്യോഗിക ആവശ്യത്തിനായി അഞ്ച് പുതിയ എസി വാഹനങ്ങള്‍ അനുവദിച്ചത്. ഇതില്‍ ഒന്നാണ് കോഴിക്കോട് നഗരത്തിലെ ക്ഷേത്രത്തിലെത്തി പൂജിച്ചത്.

യൂണിഫോം അണിഞ്ഞാണ് പൊലീസുകാര്‍ വാഹനവുമായി ക്ഷേത്രത്തില്‍ എത്തിയത്.

നേരത്തെ, തൃശ്ശൂര്‍ സിറ്റി പൊലിസിന് അനുവദിച്ച വാഹനവും ക്ഷേത്രത്തിലെത്തിച്ച് പൂജിച്ചത് വിവാദമായിരുന്നു.