കാസര്‍കോട്: സുപ്രഭാതം കുമ്പള പ്രാദേശിക ലേഖകന്‍ മുത്തലിബ് (42) വാഹനാപകടത്തില്‍ മരിച്ചു. ഇന്നലെ രാത്രി പത്തോടെ കാസര്‍കോട് ചൗക്കിയിലായിരുന്നു അപകടം.

ഗുരുതരമായി പരുക്കേറ്റ മുത്തലിബിനെ മംഗളൂരുവിലെ ആശുപത്രിയിലെത്തിച്ചെങ്കിലും മരിച്ചിരുന്നു. ചൗക്കിയിലെ വീട്ടിലേക്കു പോകുകയായിരുന്ന മുത്തലിബ് സഞ്ചരിച്ച ബൈക്കില്‍ എതിരേ വന്ന കര്‍ണാടക ട്രാന്‍സ്‌പോര്‍ട്ടിന്റെ ബസ് ഇടിക്കുകയായിരുന്നു. തലയ്ക്ക് ഗുരുതരമായി പരുക്കേറ്റ ഇദ്ദേഹത്തെ അടുത്തുള്ള ആശുപത്രിയിലെത്തിച്ചെങ്കിലും ഗുരുതരമായതിനാല്‍ മംഗളൂരുവിലേക്കു കൊണ്ടുപോകുകയായിരുന്നു.

കല്ലങ്കൈ അര്‍ജാലിലെ ബ്രദേഴ്‌സ് മഹലില്‍ അലി ഹസന്‍ - ഉമ്മാലിമ ദമ്പതികളുടെ മകനാണ്. ഭാര്യ: നിസ. മക്കള്‍: നിഹാല്‍, മുഹമ്മദ്. സഹോദരങ്ങള്‍: ജലാല്‍, അബ്ദുല്‍റഹ്മാന്‍, ബീഫാത്തിമ. മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.