കൊട്ടിയൂര്‍: വൈശാഖോത്സവത്തിന്റെ ഭാഗമായുള്ള നാല് ആരാധനകളില്‍ അവസാനത്തേതായ രോഹിണി ആരാധന നാളെ നടക്കും. സവിശേഷമായ ആലിംഗന പുഷ്പാജ്ഞലി കുറുമാത്തുല്‍ ഇല്ലത്തെ നായ്ക്കന്‍ സ്ഥാനികന്റെ നേതൃത്വത്തില്‍ നടക്കും. ആരാധനയോടനുബന്ധിച്ച് പൊന്നിന്‍ ശീവേലിയും ഉണ്ടാകും.
കുടിപതികള്‍, വാളശന്‍മാര്‍, കാര്യത്ത് കൈക്കോളന്‍, പട്ടാളി എന്നിവര്‍ക്കായി കേവിലകം കൈയാലയില്‍ സദ്യ നടത്തും. സന്ധ്യയോടെ നവകത്തോടോപ്പം കരോത്ത് നായര്‍ തറവാട്ടില്‍നിന്ന് എഴുന്നള്ളിക്കുന്ന പഞ്ചഗവ്യം സ്വയംഭൂവില്‍ അഭിഷേകം ചെയ്യും. 18ന് ഉച്ചവരെ മാത്രമേ സ്ത്രീകള്‍ക്ക് അക്കരെ സന്നിധിയില്‍ പ്രവേശനമുണ്ടാകൂ.