കോഴിക്കോട്: കൊല്ലം, തിരുവനന്തപുരം ഒഴികെയുള്ള ജില്ലകളിലും ലക്ഷദ്വീപിലും ഇന്നും നാളെയും ഒറ്റപ്പെട്ട കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണകേന്ദ്രം.
കടലില്‍ 55 കി.മി വേഗത്തില്‍ വരെ കാറ്റിന് സാധ്യതയുള്ളതിനാല്‍ കേരളം, കര്‍ണാടക, ലക്ഷദ്വീപ് തീരങ്ങളിലുള്ളവര്‍ കടലില്‍ പോകുന്നത് വിലക്കിയിട്ടുണ്ട്. കേരള തീരത്ത് തിരമാലകളുടെ ഉയരം 3.5 മുതല്‍ 3.7 മീറ്റര്‍ വരെയാകാന്‍ സാധ്യതയുണ്ട്.
ഇന്നലെ രാവിലെ വരെ മണ്ണാര്‍ക്കാട്ട് 18, നിലമ്പൂര്‍ 17, വൈത്തിരി 15, പാലക്കാട് 11, പീരുമേട് 9 സെ.മി മഴ ലഭിച്ചു. രണ്ടു ദിവസത്തിനു ശേഷം കേരളത്തിലും കര്‍ണാടകയിലും മഴ കുറയുമെന്ന് സ്വകാര്യ കാലാവസ്ഥാ ഏജന്‍സി പറഞ്ഞു. ഈമാസം 19ന് ശേഷം വീണ്ടും കേരളത്തില്‍ മണ്‍സൂണ്‍ ശക്തിയാര്‍ജിക്കുമെന്നാണ് വിലയിരുത്തല്‍.