തൃശൂര്‍: പട്ടികജാതി വികസന വകുപ്പിന്റെ കിഴില്‍ വടക്കാഞ്ചേരിയില്‍ പ്രവര്‍ത്തിക്കുന്ന മലയാളം മോഡല്‍ റസിഡന്‍ഷ്യല്‍ സ്‌കൂളിലും വടക്കാഞ്ചേരിയില്‍ താല്‍ക്കാലികമായി പ്രവര്‍ത്തിക്കുന്ന ചേലക്കര ഇംഗ്ലീഷ് മീഡിയം മോഡല്‍ റസിഡന്‍ഷ്യല്‍ സ്‌കൂളിലും 5 മുതല്‍ 9 വരെയുളള ക്ലാസുകളില്‍ ഏതാനും സീറ്റുകള്‍ ഒഴിവുï്. പ്രവേശന പരീക്ഷ നടത്തിയാണ് കുട്ടികളെ തെരഞ്ഞെടുക്കുക.
ഒരു ലക്ഷം രൂപയോ അതില്‍ കുറവോ കുടുംബ വാര്‍ഷിക വരുമാനമുളള പട്ടികജാതി വിഭാഗം വിദ്യാര്‍ഥികളുടെ രക്ഷിതാക്കള്‍ക്ക് അപേക്ഷ സമര്‍പ്പിക്കാം. നിശ്ചിത മാതൃകയില്‍ തയ്യാറാക്കിയ അപേക്ഷ, ജാതി, വരുമാന സര്‍ട്ടിഫിക്കറ്റുകളുടെ പകര്‍പ്പ്, പഠിക്കുന്ന ക്ലാസ് തെളിയിക്കുന്നതിന് സ്ഥാപനമേധാവിയുടെ സര്‍ട്ടിഫിക്കറ്റ് എന്നിവ സഹിതം ജൂലൈ 15 ന് വൈകിട്ട് 5 ന് മുന്‍പായി ലഭിച്ചിരിക്കണം.
 പ്രവേശനം ലഭിക്കുന്നവര്‍ക്ക് താമസം ഭക്ഷണം, പുസ്തകം, യൂനിഫോം എന്നിവ സൗജന്യമാണ്. കൂടുതല്‍ വിവരങ്ങള്‍ക്ക് ഫോണ്‍ : 0487 2360381.