പുത്തനത്താണി: അങ്കണവാടിക്ക് വൈദ്യുതി കണക്ഷന്‍ നല്‍കാതെ കെ.  എസ്.ഇ.ബി അധികൃതര്‍ ഒഴിഞ്ഞ് മാറുന്നതായി  പരാതി.
വളവന്നൂര്‍ ഗ്രാമ പഞ്ചായത്തിലെ വാരാണക്കര 106-ാം നമ്പര്‍  അങ്കണവാടിക്കാണ് വൈദ്യുതി കണക്ഷന്‍ ലഭിക്കാത്തത്. തിരൂര്‍ വൈദ്യുതി  സെക്ഷനില്‍ അപേക്ഷ നല്‍കി കാത്തിരിപ്പ് തുടങ്ങിയിട്ട് മാസങ്ങളായി. ഓരോ സമയത്തും  വ്യത്യസ്ഥ കാരണങ്ങള്‍ പറഞ്ഞ് ഉദ്യോഗസ്ഥര്‍ ഒഴിഞ്ഞ് മാറുകയാണ്.  കഠിനമായ ചൂടില്‍ കുട്ടികള്‍ വിയര്‍ത്തൊലിച്ചാണ് ഇതിനകത്ത് കഴിയുന്നത്.