നരിക്കുനി: മുട്ടാഞ്ചേരി ഹസനിയ എ.യു.പി സ്‌കൂളിലെ ആറാം തരം വിദ്യാര്‍ഥിനിയായ മാളവികയ്ക്ക് ഗൃഹപ്രവേശന ദിനത്തില്‍ സ്‌നേഹ ലൈബ്രറി സജ്ജീകരിച്ചു നല്‍കി അധ്യാപകര്‍ മാതൃകയായി.
ഹസനിയയുടെ നൂറാം വാര്‍ഷികത്തിന്റെ ഭാഗമായി നടപ്പിലാക്കുന്ന ഹോം ലൈബ്രറി പദ്ധതിയാണ് മാളവികയുടെ വീട്ടില്‍ നടപ്പാക്കിയത്. മടവൂര്‍ പഞ്ചായത്തംഗം ഇ. അംബുജം ഉദ്ഘാടനം ചെയതു. ചടങ്ങില്‍ പി.ടി.എ പ്രസിഡണ്ടന്റ് എ.പി യൂസഫലി അധ്യക്ഷനായി. മാനേജ്‌മെന്റ് ജനറല്‍ സെക്രട്ടറി യു. ഷറഫുദ്ദീന്‍ മാസ്റ്റര്‍, പൂര്‍വവിദ്യാര്‍ഥി സംഘടനാ പ്രസിഡണ്ടന്റ് രഘു അരീക്കല്‍, സ്റ്റാഫ് സെക്രട്ടറി പി. വിപിന്‍ മാസ്റ്റര്‍, സീനത്ത് അരങ്കില്‍, വി.കെ ഹസന്‍കോയ മാസ്റ്റര്‍, എസ്.എം ഷംന, ടി. റസീന സംസാരിച്ചു.പ്രധാനാധ്യാപകന്‍ ചോലക്കര മുഹമ്മദ് മാസ്റ്റര്‍ സ്വാഗതവും കോ-ഓര്‍ഡിനേറ്റര്‍ എന്‍.പി ജയഫര്‍ മാസ്റ്റര്‍ നന്ദിയും പറഞ്ഞു.