കോട്ടയം: പ്രമുഖ ഇസ്‌ലാമിക പണ്ഡിതന്‍ മൗലാന മുഹമ്മദ് ഈസാ ഫാദില്‍ മമ്പഈ (81) അന്തരിച്ചു. ഈരാറ്റുപേട്ട അല്‍ ജാമിഅത്തുല്‍ ഫൗസിയ ട്രസ്റ്റ് ചെയര്‍മാന്‍, ഫൗസിയ കോളേജ് ഓഫ് ആര്‍ട്‌സ് ആന്‍ഡ് ഇസ്‌ലാമിക് സ്റ്റഡീസ് പ്രിന്‍സിപ്പല്‍, ഇമാംസ് കൗണ്‍സില്‍ ചെയര്‍മാന്‍ എന്നീ ചുമതലകള്‍ വഹിച്ചിരുന്നു. ദക്ഷിണ കേരള ഇസ്‌ലാം മത വിദ്യാഭ്യാസ ബോര്‍ഡ് ചെയര്‍മാനായി മുപ്പതു വര്‍ഷത്തോളം സേവനമനുഷ്ഠിച്ചിട്ടുണ്ട്. കൂടാതെ മന്നാനിയ അറബി കോളേജ് വര്‍ക്കല, ഹസനിയ അറബി കോളേജ് കായംകുളം, നൂറുല്‍ ഹുദ അറബി കോളേജ് കാഞ്ഞിരപ്പള്ളി, മുനവ്വിറുല്‍ ഇസ്‌ലാം അറബി കോളേജ് കാരിക്കോട്, പുത്തന്‍പള്ളി അറബി കോളേജ് ഈരാറ്റുപേട്ട എന്നിവിടങ്ങളില്‍ പ്രിന്‍സിപ്പലായിരുന്നു. ദീര്‍ഘകാലം ഈരാറ്റുപേട്ട പുത്തന്‍പള്ളി ഇമാമായിരുന്ന മുഹമ്മദ് അലിയാര്‍ മൗലവിയുടെ മകനാണ്. ജനാസ നമസ്‌കാരം ഇന്ന് വൈകുന്നേരം 5.30 ന് ഈരാറ്റുപേട്ട പുത്തന്‍പള്ളി ജുമുഅ മസ്ജിദില്‍.