റിയാദ്: സഊദിയിൽ ആശുപത്രിയിലെ കൊവിഡ് രോഗികളുമായി സംവദിക്കാൻ റോബർട്ടുകളും. തലസ്ഥാന നഗരിയായ റിയാദിലെ കിങ് സൽമാൻ ആശുപത്രിയിലാണ് വിദൂര പരിശോധനക്കായി റോബർട്ടുകളുടെ സഹായം സ്വീകരിക്കുന്നത്. രോഗികളുമായി അടുത്തിടപഴകാതെ തന്നെ ആരോഗ്യ സ്ഥിതി പരിചരിക്കുകയും വേണ്ട രീതിയിലുള്ള നിർദേശങ്ങൾ നൽകുകയും ചെയ്യുന്നതിന് റോബർട്ടുകൾ ഉപയോഗിക്കുന്നതോടെ രോഗിയില്‍ നിന്ന് ആരോഗ്യപ്രവര്‍ത്തകര്‍ക്ക് രോഗം പകരാതിരിക്കാൻ ഏറെ സഹായകരമാകുമെന്നത് ഇതിനെ ശ്രദ്ധേയമാക്കുന്നു.

    ഐസൊലേഷന്‍ റൂമുകളില്‍ കഴിയുന്ന കൊവിഡ് രോഗികളുമായി റോബോട്ട് സംവദിക്കുകയും ആരോഗ്യ വിവരങ്ങൾ ശേഖരിക്കുകയും ചെയ്യുകയും ചെയ്യും. ബി 2 എന്ന പേരുള്ള ഈ റോബോട്ട് ഡോക്‌ടർ ക്യാമറയുടെ സഹായത്തോടെയും ആശുപത്രിയില്‍ രജിസ്റ്റര്‍ ചെയ്ത ബയോമെട്രിക് അടയാളങ്ങളും റീഡ് ചെയ്താണ് രോഗികളെ റോബോട്ട് തിരിച്ചറിയുക. ഓരോ രോഗിയുടെയും പുതിയ വിവരങ്ങളും റോബോട്ടിന്റെ കൈവശമുണ്ടാകും.