മുഹമ്മ: ചാരമംഗലം ഗവ.സംസ്‌കൃത ഹൈസ്‌ക്കൂളിലെ പൂര്‍വ വിദ്യാര്‍ഥി സംഘടനയായ സദ്ഗമയയുടെ വാര്‍ഷികവും സുവര്‍ണ്ണ സംഗമവും ഈ മാസം 15,16 തീയതികളില്‍ നടക്കും.15 ന് രാവിലെ 10 മണിക്ക് ധനമന്ത്രി ഡോ.തോമസ് ഐസക്ക് പരിപാടി ഉദ്ഘാടനം ചെയ്യും.
ജില്ലാ പഞ്ചായത്ത് പ്രസിഡന്റ് ജി വേണുഗോപാല്‍ അധ്യക്ഷത വഹിക്കും. 16ന് രാവിലെ 10ന് നടക്കുന്ന സുവര്‍ണ്ണ സംഗമം ഭക്ഷ്യമന്ത്രി പി തിലോത്തമന്‍ ഉദ്ഘാടനം ചെയ്യും. വെബ്‌സൈറ്റിന്റെ ഉദ്ഘാടനം കെ സി വേണുഗോപാല്‍ എം പി നിര്‍വഹിക്കും. ആര്യാട് ബ്ലോക്ക് പഞ്ചായത്ത് പ്രസിഡന്റ് ഷീന സനല്‍കുമാര്‍ പ്രതിഭകളെ ആദരിക്കും.
സൗജന്യ മെഡിക്കല്‍ ക്യാംപ് ,സൗഹൃദ വിരുന്ന്, കലാപരിപാടികള്‍ എന്നിവയും വാര്‍ഷിക ഭാഗമായി നടക്കും. സദ്ഗമയ ചെയര്‍മാന്‍ വി എം സുഗാന്ധി, ജനറല്‍ കണ്‍വീനര്‍ ടി.ആര്‍ സുധീര്‍, സിബി ഷാജികുമാര്‍, സി.പി ഹരിലാല്‍ എന്നിവര്‍ പരിപാടികള്‍ വിശദീകരിച്ചു.