കണ്ണൂര്‍: കേരള മുഖ്യമന്ത്രി പിണറായി വിജയന്‍ സി.പി.എമ്മിന്റെ അവസാനത്തെ മുഖ്യമന്ത്രിയാകാനാണ് ഭരിക്കുന്നതെന്ന് കെ.പി.സി.സി ജനറല്‍ സെക്രട്ടറി പി. രാമകൃഷ്ണന്‍. അഴീക്കോട് മണ്ഡലം കോണ്‍ഗ്രസ് കമ്മറ്റി ഇടതുഭരണത്തിനെതിരെ നടത്തിയ പ്രതിഷേധ ജ്വാല ഉദ്ഘാടനം ചെയ്യുകയായിരുന്നു അദ്ദേഹം. കണ്ണൂരിലെ പാറപ്രത്ത് ജന്മമെടുത്ത കമ്മ്യൂണിസ്റ്റ് പ്രസ്ഥാനം പിണറായി വിജയന്റെ ഭരണത്തോടെ ബംഗാളിന്റെ അവസ്ഥയില്‍ എത്തിച്ചേരുമെന്നും അദ്ദേഹം പറഞ്ഞു.