താമരശേരി: സൂപ്പര്‍ എക്‌സ്പ്രസ് ബസ് സര്‍വിസ് ആരംഭിച്ചു. കെ.എസ്.ആര്‍.ടി.സി താമരശേരി ഡിപ്പോയില്‍ നിന്നും തിരുവനന്തപുരത്തേക്കുള്ള സൂപ്പര്‍ എക്‌സ് പ്രസിന്റെ ആദ്യ സര്‍വിസ് കാരാട്ട് റസാഖ് എം.എല്‍.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് കെ സരസ്വതി അധ്യക്ഷയായി. സോണല്‍ ഓഫിസര്‍ എന്‍ പ്രേമരാജന്‍ മുഖ്യാതിഥിയായിരുന്നു.  ഗ്രാമപഞ്ചായത്ത് അംഗം മഞ്ജിത,  സൂപ്രണ്ട് രാജാക്ഷി, കെ മോഹനന്‍, എം കെ സുരേഷ്,സലാമത്, ഇ. കെ ജോര്‍ജ്ജ് എന്നിവര്‍ സംസാരിച്ചു. എ.ടി.ഒ വി.എം.എ നാസര്‍ സ്വാഗതവും കെ എം രവീന്ദ്രന്‍ നന്ദിയും പറഞ്ഞു. താമരശേരിയില്‍ നിന്നും  എല്ലാ ദിവസവും  രാത്രി 9 മണിക്കാണ് സൂപ്പര്‍ എക്‌സ്പ്രസ് സര്‍വിസ് പുറപ്പെടുന്നത്.