മുഹമ്മ: കഞ്ഞിക്കുഴി ബ്ലോക്ക് പഞ്ചായത്തിന്റെ വാര്‍ഷിക പദ്ധതിയില്‍പ്പെടുത്തി ഭിന്നശേഷിക്കാര്‍ക്കായി മുച്ചക്ര വാഹനങ്ങള്‍ വിതരണം ചെയ്യും. ഇന്ന് രാവിലെ 11ന് ചാരമംഗലം ഡി വി എച്ച് എസ് സ്‌കൂള്‍ ഓഡിറ്റോറിയത്തില്‍ നടക്കുന്ന ചടങ്ങില്‍ ധനമന്ത്രി ഡോ. ടി എം തോമസ് ഐസക്ക്, ഭക്ഷ്യമന്ത്രി പി തിലോത്തമന്‍ എന്നിവര്‍ക്ക് സ്വീകരണമൊരുക്കുമെന്നും ബ്ലോക്ക് പഞ്ചായത്ത് പ്രസിഡന്റ് സിനിമോള്‍ സോമന്‍ അറിയിച്ചു. പട്ടികജാതി വിഭാഗത്തിനുള്ള മുച്ചക്ര വാഹന വിതരണം പി തിലോത്തമനും പൊതു വിഭാഗത്തിനുള്ള മുച്ചക്ര വാഹന വിതരണം ഡോ. തോമസ് ഐസക്കും നിര്‍വഹിക്കും.