തിരുവനന്തപുരം: പൂര്‍ത്തീകരിച്ച എസ്.എസ്.എല്‍.സി പരീക്ഷകളുടെ മൂല്യനിര്‍ണയം ഇന്ന് ആരംഭിക്കും. ഇനി മൂന്ന് പരീക്ഷകളാണ് പൂര്‍ത്തിയാകാനുള്ളത്. ചരിത്രത്തിലാദ്യമായാണ് എല്ലാ പരീക്ഷകളും പൂര്‍ത്തിയാകുന്നതിന് മുന്‍പ് എസ്.എസ്.എല്‍.സി മൂല്യനിര്‍ണയം ആരംഭിക്കുന്നത്. കൊവിഡ് ജാഗ്രതാ നിര്‍ദേശങ്ങള്‍ പാലിച്ചാണ് മൂല്യനിര്‍ണയം. 

ഇന്ന് മുതല്‍ 22 വരെയാണ് മൂല്യനിര്‍ണയത്തിന്റെ ആദ്യഘട്ടം. 54 മൂല്യനിര്‍ണയ കേന്ദ്രങ്ങളാണ് സംസ്ഥാനത്തുള്ളത്. മൂല്യനിര്‍ണയത്തിന് ആവശ്യമായ അധ്യാപകരെ പരീക്ഷാഭവന്‍ നിയമിച്ച് കഴിഞ്ഞു. എന്നാല്‍, പൊതുഗതാഗതം ആരംഭിക്കാത്ത സാഹചര്യത്തില്‍ മൂല്യനിര്‍ണയ കേന്ദ്രങ്ങളില്‍ എത്തിച്ചേരാന്‍ കഴിയാത്ത സ്ഥിതിയിലാണ് നല്ലൊരു വിഭാഗം അധ്യാപകരും. പ്രധാന നഗരങ്ങളിലല്ല പല മൂല്യനിര്‍ണയ കേന്ദ്രങ്ങളും.  ഹയര്‍സെക്കന്‍ഡറി മൂല്യനിര്‍ണയം 13ന് ആരംഭിച്ചിരുന്നു. 40 ശതമാനം അധ്യാപകരാണ് ഇതുവരെ ഹാജരായിട്ടുള്ളത്. 

ഹയര്‍സെക്കന്‍ഡറി മൂല്യനിര്‍ണയത്തിന് ഒരു ജില്ലയില്‍ തന്നെ പല വിഷയങ്ങള്‍ക്കും ഒന്നിലധികം കേന്ദ്രങ്ങളുണ്ടായിരുന്നു. എന്നാല്‍, എസ്.എസ്.എല്‍.സിയുടെ സ്ഥിതി അതല്ല. 

പ്രവേശനത്തിനുള്ള അപേക്ഷ സ്‌കൂളില്‍ നേരിട്ടോ ഓണ്‍ലൈനായോ നല്‍കാം. ഓണ്‍ലൈനായുള്ള അപേക്ഷാസമര്‍പ്പണം 25 മുതലായിരിക്കും ആരംഭിക്കുക. മൊുീീൃിമ.സശലേ.സലൃമഹമ.ഴീ്.ശി എന്ന പോര്‍ട്ടലിലൂടെയാണ് ഓണ്‍ലൈന്‍ അപേക്ഷ നല്‍കേണ്ടത്.