പട്ടാമ്പി:  സുന്നിയുവജന സംഘം ജില്ലാകമ്മിറ്റി സംഘടിപ്പിക്കുന്ന തഖ്ദീം 2017 ത്രൈമാസ ക്യാംപയിന്റെ ഭാഗമായി പട്ടാമ്പി മണ്ഡലം എസ്.വൈ.എസ് കമ്മിറ്റിക്ക് കീഴില്‍ സുന്നി പ്രവര്‍ത്തക സംഗമങ്ങള്‍ നടത്തി.
 ഓങ്ങല്ലൂര്‍ പഞ്ചായത്ത് സംഗമം സമസ്ത കേന്ദ്ര മുശാവറ അംഗം സയ്യിദ് കെ.പി.സി തങ്ങള്‍ വല്ലപ്പുഴ ഉദ്ഘാടനം ചെയ്തു.
സിദ്ദീഖ് ബാഖവി അധ്യക്ഷനായി. സയ്യിദ് ഹസന്‍ സഖാഫ് തങ്ങള്‍, അബ്ദുല്‍ ബാരി മുസ്‌ലിയാര്‍, അബ്ദുല്‍ ഖാദര്‍ ഫൈസി തലക്കശ്ശേരി, ഹൈദ്രോസ് മാസ്റ്റര്‍ പ്രസംഗിച്ചു. മുതുതല പഞ്ചായത്ത് സുന്നി കണ്‍വന്‍ഷന്‍ എസ്.വൈ.എസ് ജില്ലാ സെക്രട്ടറി എം.എം ബഷീര്‍ മാസ്റ്റര്‍ ഉദ്ഘാടനം ചെയ്തു. അബ്ദുല്‍ അസീസ് ഫൈസി ദേശമംഗലം മുഖ്യപ്രഭാഷണം നടത്തി. സയ്യിദ് ശിഹാബുദ്ദീന്‍ തങ്ങള്‍ അധ്യക്ഷനായി.
ടി മുഹമ്മദ് ബഷീര്‍ കോഴിക്കോട്ടിരി, ബഷീര്‍ ഫൈസി, സ്വലാഹുദ്ദീന്‍ ഉലൂമി പ്രസംഗിച്ചു. കുലുക്കല്ലൂര്‍ പഞ്ചായത്ത് കണ്‍വന്‍ഷനില്‍ ശാഹുല്‍ ഹമീദ് മുസ്‌ലിയാര്‍ അധ്യക്ഷനായി. സൈതലവി മുസ്‌ലിയാര്‍, സലാം വണ്ടുംതറ, ആലി ഹാജി, വഹാബ് ദാരിമി, അബ്ദുറഹ്മാന്‍ മുസ്‌ലിയാര്‍, സൈതലവി ഫൈസി സംബന്ധിച്ചു.