കൊടുങ്ങല്ലൂര്‍: നഗരത്തില്‍ പൂവാലശല്യം കാരണം വഴിനടക്കാനാകാതെ സ്ത്രീകള്‍. കൊടുങ്ങല്ലൂര്‍ നഗരത്തിലാണ് പൂവാല ശല്യം രൂക്ഷമായത്. ബസ് സ്റ്റോപ്പുകളിലും നിരത്തുകളിലും ഷോപ്പിങ് മാളുകളിലടക്കം ഇത്തരക്കാര്‍ തമ്പടിക്കുകയാണ്.
സ്‌കൂളുകളുടെയും, കോളജുകളുടെയും പരിസരങ്ങളില്‍ മുന്‍പെങ്ങുമില്ലാത്ത വിധം ശല്യം അനുഭവപ്പെടുന്നുണ്ട്. നഗരത്തില്‍ തമ്പടിക്കുന്ന ഇത്തരം സംഘങ്ങള്‍ക്കെതിരേ പൊലിസ് നടപടി സ്വീകരിക്കുന്നില്ലെന്നും ആക്ഷേപമുണ്ട്. മുമ്പ് ഷാഡോ പൊലിസിന്റെ ഇടപെടലുകള്‍ പലപ്പോഴും പൂവാലന്മാര്‍ക്കും ഇവരുടെ മറവില്‍ പ്രവര്‍ത്തിക്കുന്ന സാമൂഹ്യ വിരുദ്ധ സംഘങ്ങള്‍ക്കും ഭീഷണിയായിരുന്നു. എന്നാലിപ്പോള്‍ കൊടുങ്ങല്ലൂരില്‍ ഇത്തരം പൊലിസ് സംവിധാനം നിലവിലില്ലാത്തതാണ് പ്രശ്‌നങ്ങള്‍ക്ക് കാരണമെന്നും ആക്ഷേപമുണ്ട്.