കാസര്‍കോട്: സംസ്ഥാന കൃഷി വകുപ്പിന്റെ നേതൃത്വത്തില്‍ നടപ്പാക്കുന്ന 'വിഷുക്കണി 2017' പദ്ധതി പ്രകാരം കാസര്‍കോട് കൃഷിഭവന്‍ പരിധിയില്‍ കറന്തക്കാട് ഇക്കോഷോപ്പില്‍ വിഷു ഈസ്റ്റര്‍ പഴം പച്ചക്കറി വിപണി തുടങ്ങി. എന്‍.എ നെല്ലിക്കുന്ന് എം.എല്‍.എ ഉദ്ഘാടനം ചെയ്തു. നഗരസഭാ ചെയര്‍പേഴ്‌സണ്‍ ബീഫാത്തിമ ഇബ്രാഹിം അധ്യക്ഷയായി. നഗരസഭ വികസന സ്റ്റാന്റിങ് കമ്മിറ്റി ചെയര്‍പേഴ്‌സണ്‍ നൈമുന്നീസ, ആരോഗ്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ സമീന മുജീബ്, കൗണ്‍സലര്‍ രവീന്ദ്ര പൂജാരി, കാസര്‍കോട് അസി. പ്രിന്‍സിപ്പല്‍ കൃഷി ഓഫിസര്‍ എസ് സുഷമ , ജില്ലാ പ്രിന്‍സിപ്പല്‍ കൃഷി ഓഫിസിലെ മാര്‍ക്കറ്റിങ് എഡിഎ നമ്പീശന്‍ വജ്രേശ്വരി, കൃഷി അസിസ്റ്റന്റ് ഡയറക്ടര്‍ എം.വി കൃഷ്ണസ്വാമി സംസാരിച്ചു.