ന്യൂഡല്‍ഹി: കറുത്തരാവില്‍ ആകാശത്ത് മിന്നിത്തിളങ്ങുന്ന താരക്കൂട്ടങ്ങളുടെ സൗന്ദര്യം ഇഷ്ടപ്പെടാത്തവരാരുമുണ്ടാവില്ല. ആകാശത്തിന്റെ ഈ മൊഞ്ച് എത്രയോ കവികള്‍ വാഴ്ത്തിപ്പാടിയിരിക്കുന്നു. എന്നാല്‍ ഇരുട്ടിലെ ആകാശത്തേക്കളും മൊഞ്ചത്തിയാണത്രെ കൂരിരുട്ടിലെ ഭൂമി.

ഇരുട്ടില്‍ തിളങ്ങി നില്‍ക്കുന്ന ഭൂമിയുടെ രാത്രി ദൃശ്യങ്ങള്‍ നാസ പുറത്തുവിട്ടിരിക്കുകയാണ് നാസ ബഹിരാകാശത്ത് നിന്നും പകര്‍ത്തിയ ഭൂമിയുടെ രാത്രി ദൃശ്യങ്ങളാണ് നാസ പുറത്ത് വിട്ടിരിക്കുന്നത്. മിന്നിത്തിളങ്ങുന്ന വെളിച്ചത്തിലും ദീപാലങ്കാരങ്ങളിലും വര്‍ണാഭമാണ് ഈ ദൃശ്യങ്ങള്‍.

 

[caption id="attachment_296986" align="aligncenter" width="650"] 2012ല്‍ നാസ പുറത്തുവിട്ട ഇന്ത്യയുടെ രാത്രി ചിത്രം[/caption]

രാത്രിയുടെ ഇരുട്ടിനെ മറികടന്ന് തിളങ്ങി നില്‍ക്കുന്ന ഇന്ത്യയുടെ ചിത്രങ്ങളും നാസ പുറത്തുവിട്ടിട്ടുണ്ട്. 2016ല്‍ പകര്‍ത്തിയ ദൃശ്യങ്ങളാണ് ഇവ. 2012ല്‍ നാസ തന്നെ പകര്‍ത്തിയ ഭൂമിയുടെ രാത്രി ദൃശ്യങ്ങളില്‍ നിന്നും മാറ്റങ്ങളോടെയുള്ള ചിത്രങ്ങളാണ് ഇപ്പോള്‍ പുറത്തുവിട്ടിരിക്കുന്നത്.

 അടുത്ത 25 വര്‍ഷത്തെ ഗവേഷണങ്ങള്‍ക്കും പഠനങ്ങള്‍ക്കും ഈ ദൃശ്യങ്ങള്‍ സഹായകമാകുമെന്നാണ് വിലയിരുത്തപ്പെടുന്നത്.

[caption id="attachment_296987" align="aligncenter" width="650"] 2016ലെ ഇന്ത്യയുടെ രാത്രി ദൃശ്യം[/caption]

ഒരുപാട് വര്‍ഷത്തെ ഇടവേളയിലാണ് ഭൂമിയുടെ രാത്രി ദൃശ്യങ്ങള്‍ ഇപ്പോള്‍ നാസ പകര്‍ത്തുന്നത്. എന്നാല്‍ ദിവസേന തന്നെ ഭൂമിയുടെ രാത്രി  ദൃശ്യങ്ങള്‍ പകര്‍ത്താനാകുമോയെന്നാണ് നാസയിലെ ശാസ്ത്രജ്ഞര്‍ ഇപ്പോള്‍ കണക്കുകൂട്ടുന്നത്. 2011ല്‍ നാസ വിക്ഷേപിച്ച നോവ സുവോമി നാഷണല്‍ പോളാര്‍ ഒര്‍ബിറ്റിങ് സാറ്റ്‌ലൈറ്റാണ് ദൃശ്യങ്ങള്‍ പകര്‍ത്തിയിരിക്കുന്നത്.