ന്യൂഡല്‍ഹി: കശ്മീരിലെ സൈനിക പ്രശ്‌നത്തില്‍ കടുത്ത പ്രതികരണവുമായി ക്രിക്കറ്റ് താരം ഗൗതം ഗംഭീര്‍. കശ്മീരിലെ യുവാക്കള്‍ സൈനികര്‍ക്കു നേരെ ചെയ്യുന്ന പ്രവര്‍ത്തികള്‍ നീചമാണെന്ന നിലയിലാണ് ഗംഭീര്‍ പരാമര്‍ശം നടത്തിയിരിക്കുന്നത്. ട്വിറ്ററിലൂടെയാണ് തന്റെ പ്രതിഷേധം താരം അറിയിച്ചത്.

''എന്റെ സൈനിക ജവാനു നേരെയുള്ള ഓരോ അടിക്കും പകരം 100 ജിഹാദികളെങ്കിലും കൊല്ലപ്പെടണം''- ഒരു ട്വീറ്റില്‍ ഗംഭീര്‍ കുറിച്ചു.

ആസാദി മുദ്രാവാക്യം വിളിക്കുന്നവര്‍ക്ക് ഇപ്പോള്‍ ഇന്ത്യ വിടാമെന്നും ഗംഭീര്‍ പറഞ്ഞു. കശ്മീര്‍ നമ്മുടേതാണെന്നും Kashmirbelongs2u എന്ന ഹാഷ്ടാഗിലൂടെ അദ്ദേഹം പറഞ്ഞു.

ഇന്ത്യന്‍ പതാക എന്താണ് ഓര്‍മ്മിപ്പിക്കുന്നതെന്ന് ഇന്ത്യ വിരുദ്ധര്‍ മറന്നിരിക്കുകയാണെന്ന് അദ്ദേഹം മറ്റൊരു ട്വീറ്റിലൂടെ പറഞ്ഞു. ഇന്ത്യാ ഗോ ബാക്ക് എന്നു വിളിച്ചുകൊണ്ട് സൈനികര്‍ക്കെതിരെ അക്രമം അഴിച്ചുവിടുന്ന വീഡിയോ പുറത്തുവന്നതിന്റെ പശ്ചാത്തലത്തിലാണ് ഗംഭീറിന്റെ പ്രതികരണം.