ആലുവ: അശോകപുരത്ത് വച്ച് പെണ്‍കുട്ടിയോട് അപമര്യാദയായായി പെരുമാറിയ യുവാവ് പിടിയില്‍. ആലങ്ങാട് കോട്ടപ്പുറം ബിവറേജിന് സമീപം താമസിക്കുന്ന നിസാമുദ്ദീന്‍ (33) നെയാണ് ആലുവ ഈസ്റ്റ് പൊലിസ് സ്റ്റേഷന്‍ എസ്.എച്ച്.ഒ വിശാല്‍ ജോണ്‍സണും സംഘവും അറസ്റ്റ് ചെയ്തത്.
കഴിഞ്ഞ മെയ്യിലാണ് കേസിനാസ്പദമായ സംഭവം. അശോകപുരത്ത് ബസിറങ്ങി നടന്നു പോകുകയായിരുന്ന വിദ്യാര്‍ഥിനിയെ ഇയാള്‍ ബൈക്കിലെത്തി കടന്ന് പിടിക്കുകയായിരുന്നു. കൃത്യം നടത്തിയതിന് ശേഷം മുങ്ങി നടക്കുകയായിരുന്നു ഇയാള്‍. ബസ്സ് സ്റ്റോപ്പിന് സമീപമുള്ള സ്വകാര്യ സ്ഥാപനത്തിലെ സി.സി.ടി.വി ദൃശ്യങ്ങളില്‍ വാഹനത്തിന്റെ നമ്പര്‍ വ്യക്തമല്ലാത്തതിനാല്‍ വാഹനത്തിന്റെ നിറം മനസിലാക്കി നടത്തിയ പരിശോധനയിലാണ് നിസാമുദ്ദീന്‍ പിടിയിലായത്.
മൊബൈല്‍ ഫോണ്‍ ലൊക്കേഷനുകളും പരിശോധിച്ചിരുന്നു. അന്വേഷണ സംഘത്തില്‍ പ്രിന്‍സിപ്പല്‍ എസ്.ഐ ഫൈസല്‍ എം.എസ്, എസ്.സി.പി.ഓമാരായ ഹരി, തുടങ്ങിയവരും സംഘത്തിലുണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.