ന്യൂഡല്‍ഹി: കേരളത്തില്‍ യു.ഡി.എഫ് ഏത് സ്ഥാനാര്‍ഥിയെ കൊണ്ടുവന്നാലും രാഷ്ട്രീയപരമായും സംഘടനാപരമായും നേരിടാനുള്ള കരുത്ത് ഇടതുപക്ഷ ജനാധിപത്യ മുന്നണിക്കുണ്ടെന്ന് സി.പി.എം പോളിറ്റ് ബ്യൂറോ അംഗം എസ്. രാമചന്ദ്രന്‍ പിള്ള. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ സ്ഥാനാര്‍ഥിത്വത്തിന് വലിയ രാഷ്ട്രീയ മാനമുണ്ട്. എന്നാല്‍, കോണ്‍ഗ്രസിന്റെ മുഖ്യ എതിരാളി ബി.ജെ.പിയല്ലെന്നും എല്‍.ഡി.എഫ് ആണെന്നുമുള്ള സന്ദേശം ഇത് നല്‍കും.

കേരളത്തിലെ കോണ്‍ഗ്രസിനകത്തുണ്ടായ ഗ്രൂപ്പ് വഴക്കാണ് ഇത്തരമൊരു തീരുമാനത്തിലേക്ക് എത്തിച്ചതെന്നും അദ്ദേഹം ഡല്‍ഹിയില്‍ മാധ്യമങ്ങളോട് പറഞ്ഞു.