കരുനാഗപ്പള്ളി: ഭര്‍ത്താവിന്റെ അടിയേറ്റ് യുവതി മരിച്ച സംഭവത്തില്‍ പൊലിസ് അന്വേഷണം ഊര്‍ജിതമാക്കണമെന്ന് മനുഷ്യാവകാശ സംഘടനയായ സി.സി.ആര്‍.പി.സി ആവിശ്യപ്പെട്ടു.
കുലശേഖരപുരം കടത്തൂര്‍ വെട്ടോളിശ്ശേരി അബ്ദുല്‍ സമദ്  സീനത്ത് ദമ്പതികളുടെ മകള്‍ സനൂജ(29)യാണ് ഭര്‍ത്താവ്   അബദുല്‍ സലിമിന്റെ  അടിയേറ്റ് മരിച്ചത്. സംഭവം  നടന്ന് ഒരാഴ്ച പിന്നിട്ടിട്ടും പ്രതിയെ പിടികൂടാന്‍ യാതൊരു നടപടിയും പൊലിസിന്റെ ഭാഗത്ത് നിന്നും ഉണ്ടായിട്ടില്ല. അന്വേഷണം  മറ്റൊരു സ്‌പെഷ്യല്‍ ടീമിനെ ഏല്‍പിക്കണമെന്ന് സി.സി.ആര്‍.പി.സി ഓഫ് ഇന്ത്യ ചെയര്‍മാന്‍ സിറാജുദ്ദീന്‍, ഇന്‍ഫര്‍മേഷന്‍ ഓഫീസര്‍മാരായ എം.എ വാഹിദ്, കടത്തൂര്‍ സക്കീര്‍, എക്‌സിക്യുട്ടീവ് അംഗങ്ങളായ വിശ്വന്‍ ബാബു, സന്തോഷ് കുമാര്‍, ഹരിലാല്‍, നിസാംകാട്ടും കുറ്റി തുടങ്ങിയവര്‍  ആവശ്യപ്പെട്ടു.