കൊല്ലം: നഗരത്തില്‍ കാവനാട് പൂവന്‍പുഴയില്‍ കഴിഞ്ഞദിവസം രാത്രിയില്‍ ഇന്നോവാ കാറും കെ.എസ്.ആര്‍.ടി.സി സൂപ്പര്‍ഫാസ്റ്റും കൂട്ടിയിടിച്ച് കാര്‍ യാത്രികനായ യുവാവ് മരിച്ചു. ചവറ നല്ലേഴത്തുമുക്കില്‍ കൊറ്റംകുളങ്ങര സ്‌കൂളിനു സമീപം കല്ല്യാണിയില്‍ ശശിധരന്റെ മകന്‍ അജു(37)വാണ് മരിച്ചത്.

കൊല്ലം അയത്തിലെ ഭാര്യാവീട്ടില്‍ നിന്നും ചവറക്കുപോകുകയായിരുന്നു അജു. ഇന്നലെ രത്രി 12ഓടെ ആയിരുന്നു അപകടം. പാലക്കാടു നിന്നും തിരുവനന്തപുരത്തേക്കു പോകുകയായിരുന്ന ബസാണ് ഇടിച്ചത്. കാര്‍ വെട്ടിപ്പൊളിച്ചാണ് അജുവിനെ പുറത്തെടുത്തത്. ആശുപത്രിയില്‍ എത്തിക്കും മുന്‍പെ തന്നെ ഇയാള്‍ മരിച്ചിരുന്നു. അപകടത്തില്‍ പരിക്കേറ്റ ബസിലെ പത്തു യാത്രക്കാരെ കൊല്ലം ജില്ലാ ആശുപത്രിയില്‍ പ്രവേശിപ്പിച്ചു. ഷീജയാണ് അജുവിന്റെ ഭാര്യ. നാലാംക്ലാസ് വിദ്യാര്‍ഥിനി കല്ല്യാണി ഏക മകളാണ്. സംസ്‌ക്കാരം ഇന്നു ഉച്ചക്കു നീണ്ടകര പരിമണത്തെ വീട്ടുവളപ്പില്‍ നടക്കും